Ambezarse ladino kon una aplikasion: utalk
Ay varias aplikasiones en los telefones selulares para ambezarse linguas. Uno de esos es utalk ande es posivle ambezarse ladino tambien.
En la aplikasion ay varios grupos de palavras en varias temas. Por egzempio:
- adjektivos
- animales
- banyo
- deskansar
- direksiones
- doktor
- emerjensias
- eskola
- famiya
- frutas
- gizar
- hazinos
- kalendario
- kaza
- kolores
- komida i bevida
- konduzir
- kozina
- lugares
- merkar
- negosios
- numeros asta diez milyones
- numeros asta vente
- paises
- prepositionales
- profesiones
- puerpo
- restorante
- ropa
- sportes
- teknolojia
- tiempo
- transportasion
- vakansas
- viajes
- zerzevat
… i otras.
En kada tema ay 20-40 palavras i frazas kon las palavras. Ay algunos djugos para ambezarse. Por egzempio tu puedes oir bozes de ladino-avlantes komo dizir las frazas.
Puedes rekordar tu mismo i puedes oir las similaridades i las diferensias entre tu boz i la boz de los ladino-avlantes.
En otro djugo tu ves fotos i oyes las frazas ke deskriven las fotos. Mas tadre tienes ke akodrarte ande ay las fotos de kada fraza.
Dr. Carlos Yebra López i Mr. Alejandro Acero Ayuda de Ladino 21 krearon la version ladino de la aplikasion.
Las bozes son de Rachel Amado Bortnick, la fondadora de Ladinokomunita, i Benni Aguado.
Uzar la aplikasion kosta paras ama tambien es posivle empesar a uzarlo sin pagar.
Topi entrevistas (en inglez) kon las dos personas ke azen las bozes:
Data: 2022.05.08