El buto del proyekto “echar lashon”

El buto del proyekto “echar lashon” es krear oportunidades para komunikar en ladino.  

• Ay elevas i elevos de ladino ke uzan livros i algunas vezes toman kursos de ladino ama no tienen munchos oportunidades de avlar.
• Ay estudiantes de ladino en las universidades.
• Ay personas ke oyeron el ladino en sus chikez ama no pratikaron i por esto no avlan fluidamente.
• Ay personas ke avlan el ladino fluidamente ama no tienen (bastante) oportunidades de avlar oy en dia.  

El buto del proyekto es krear oportunidades para echar moabet en el grupo o avlar kara kon kara.

Agora uzamos Zoom i WhatsApp para dar esta oportunidad a todas las personas en todos los lugares del mundo.

  En el ultimo enkontro fuimos 12 personas.

  Avlar en un grupo es interesante ama en un enkontro kara kon kara kada uno tiene mas tiempo de avlar.  

Vo a kontinuar a anunsiar muestros enkontros aki, ama si vos interesa tener un enkontro kara kon kara mandad un mesaj direkto a mi adreso.

Data: 2022.07.07