Meldar i eskrivir Ladino en Facebook: Los Ladinadores

Para amijorar tu konosimiente de ladino tienes ke meldar i eskrivir muncho.

Unos de los lugares mijores es la Ladinokomuntia ande ay moderadores ke korijan tus yerros. Ma este grupo uza email i ay personas ke preferan otras maneras. Por egzempio grupos en Facebook.

En Facebook ay varios pajinas i grupos de ladino. Yo tengo una lista de varios grupos.

El grupo mas grande i mas aktivo de ladino avlantes es “Los Ladinadores” en Facebook kon 4,600 miembras i miembros.

El fondador i administrador del grupo es Dr Aldo Sevi, unos de los moderadores de Ladinokomunita.

En este grupo eskriven solo en ladino i si una persona aze un yerro Aldo manda korreksiones en la repuesta.

El grupo tambien tiene un trezoro de afishes kon listas de palavras, konjugasiones de verbos. Ay tambien algunos tekstos para varias niveles de ladino-avlantes.

En el numero 25 de los Enkontross de Alhad en 14 fevrero 2021 el musafir del Liliana Benveniste fue Dr Aldo Sevi. Es un filmiko muy interesante sovre los fondos de Aldo Sevi i la istoria de Los Ladinadores i de Aki Yerushalayim, la revista ande Aldo es shefe redaktor

Una punta interesante, el grupo tenia 966 miembros en el tiempo del enkontros (2021.02.14) i tiene 4,642 miembros oy (2022.05.12).

Data: 2022.05.13