Publikar temprano, publikar akorruto
Kuando keres eskrivir un livro, lavoras muncho, i amostras el livro a algunos amigos i personas profesionales komo redaktores. Kuando el livro est pronto, lo publikas.
Todo el proseso puede tomar algunos mezes o afilu algunos anyos.
De la misma manera se dezvelopan aplikasiones i sitios del internet. El problem kon esta manera es ke asta la publikasion ningunos resiven la valor de tu lavoro. Kon produktos de programasion i kon produktos elektronikos se puede uzar otra manera.
En los ultimos 10-30 anyos mas i mas personas empesaron a uzar la idea ke tenemos en el titulo:
Publikar temprano, Publikar akorruto (frekuentemente.) La idea es lavorar un poko i kuando tienes el produkto mas chiko ke ya puede ser de valor, lo publikas. De esta manera tambien kreas un kamino rapido para korijar yerros i para publikar una mueva version del produkto. Despues kada dia o kada unos kuantos dias puedes amijorar el produkto i publikar la version mueva. No tienes ke preokuparte muncho por yerros porke puedes korijarlos muy rapidamente.
Esta es la manera ke yo uzo para krear el diksionaryo Ladino en linea. Lo publiki 2 mezes antes i kada dia adjusti algunas palavras o algunas frazas. Kada algunos dias tambien lavoro sovre la aplikasion del diksionaryo i no solo sovre los datos.
Tambien resivi ayuda de algunas personas, por egzempio de Moshe Gormez kon traduksiones al turko i fransez i de Viviane Behar kon traduksiones al portugez. Sus kontribusiones yegan al sitio en unos kuantos minutos desde ke yo las resivo i los puedo adjustar a los arkivos del diksionaryo.
Data: 2022.05.29