Un blog en Ladino
Me plaze muncho partisipar en Ladinokomunita i me plaze muncho tener las moderadoras i los moderadores ke korijan mis yerros kuando eskrivo un mesaje al grupo.
Esto da una oportunidad a una persona komo yo, ke ya puede eskrivir un poko en Ladino ama dainda esta muy leshos de eskrivir sin yerros.
La komunita es un lugar muy amistozo para elevos de la lingua.
La Ladinokomunita tambien tiene un trezoro de tekstos de los ultimos 20 anyos ke eksiste. Una persona ke kere ambezarse ladino puede meldar munchas kozas muy interesantes en el arkivo.
El uniko problema ke veo es ke solo miembros pueden meldar los mesajes i el arkivo.
Yo no sujero trokar este, ama pensi ke yo puedo partajar algunos de los mesajes ke yo eskrivo en otros lugares tambien.
No deke mis mesajes son tan importantes, ama para aprovar alkansar a otras personas ke ya no son partes de la komunita.
Por eso empesi publikar algunos de mis mesajes (kon las korreksiones de los moderadores) en un blog aki.
Data: 2022.05.06